الأوراق المطلـوبة للتقديم فى الكليات 2020

ألف مبروك لجميع الطلاب الذين وفقهم الله في امتحانات الثانوية العامة هذا العام ،، وبعد ظهور النتيجة الخاصة بطلاب الثانوية العامة 2020 يتساءل الطلاب عن الأوراق المطلوبة للتقديم للكليات خاصة وأن بعض الطلاب تكون كلياتهم بعيدة عن أماكن إقامتهم ، وهناك الكثير من الزحام بين الطلاب وقت التقديم
لذا وجب علينا تقديم النصائح للطلاب تفاديا للزحام في ظل هذه الظروف ، ومنعا لعودة الطلاب إلى منازلهم بسبب ورقة بسيطة

الناس تبدا تجهز فيها علشان الزحمــة بس 🤦

1- عدد 2 شهادة ميلاد الكترونى جديدة ( شهادة الرقم القومي )
2- عدد 6 صور شخصية 4 فى 6
3- صورة البطاقة الشخصية للطالب ويفضل أن تكون الصور ظاهرة
4- صورة البطاقه الشخصية لولى الأمر ( الأب أو الأم )
5- استماره 2 جند لازم بالبطاقه ( للذكور ) من منطقه التجنيد
6- استماره 6 جند لكل المواليد اللى أكبر من 2001 بالبطاقه مركز الشرطة التابع ( للذكور )
7- صورة رقم جلوس الطالب بامتحانات الثانوية العامة
8- فايل بلاستيك ( دوسيه يعني بالبلدي )
9- صوره شهاده الثانوية العامة ( مع الأطلاع على الأصل )
10- بعد ظهور نتيجه التنسيق ( تاخد معاك بطاقه الترشيح ) ضرورية جدا

نصائح هامة أثناء التقديم للجامعة : 

1- صور بطاقة الترشيح بعد ما تطبعها حوالي ٥ صور ، لانك هتدخل بيها من بوابة الجامعة وهتبقي ضمن ورق التقديم وهتحتاجها .
2- الصور مينفعش تبقي غير مقاس ٤ في ٦ لو روحت بصور صغيرة هترجع بيها ومش هياخدوا ورقك .
3- استمارة ٢ جند و ٦ جند بتيجي من منطقة التجنيد اللي انت تابع ليها ، وبعض المدن والمراكز بتجيبها من مديرية الامن ، افضل حاجة تسأل واحد من بلدك 
 
اكبر منك وكان في ثانوية وقوله كنت جايبها منين .
4- بعض الكليات بتطلب دوسيه بلاستيك مع ورق التقديم ، عشان تحط فيه ورقك .
5- التقديم للكليات لسه بدري عليه ، وكل كلية بتعلن مع نفسها انها فتحت باب التقديم ، بس جهز ورقك بدري .
6- شهادة الميلاد لو عندك واحدة قديمة ، اتأكد ان فيها رقم ثلاثي تحت كده ، لو مش فيها ، استخرج واحدة تانية غيرها جديدة وهيكون  فيها الرقم الثلاثي ده .
7- لما تروح تجيب استمارة ٢ جند واستمارة ٦ جند ، هتجيبها بالبطاقة فقط ، وممكن حد يجبهالك عادي .
8- مواليد 99 من الذكور مفيش ليك استمارة ٦ جند لان سنك لسه صغير ، ولو روحت تجيبها هيقولك مفيش ليك .
9- صورة البطاقة الشخصية مهمة في بعض الكليات فالكل يعملها احتياطي .